සොඳුරු වී ඇත ජීවිතේ

නොපෙනෙනා බව මිලින ඉර සඳ
නිසිතෙනා තරමට
වේදනා බව, නොලැබෙනා දෙය
නොදැනෙනා තරමට

සොඳුරු වී ඇත ජීවිතේ
අඳුරු වී හැඩයි මා හිතේ

මට පෙනෙන් නෑ පීදෙනා තුරු
හදක සෙනෙහේ
උදා වනතුරු මිලින හිරු සඳු
මට පෙනෙන්නේ නෑ

සිතාගන්නට කියාගන්නට ලියාගන්නට
නොහැකි වදනක්
තෙරපිලා මා සිත වියැකිලා යන්නට
සොයන්නෙත් නෑ

සුවඳයි සබැදේ නුඹ ගැයූ ගී

සුවඳයි සබැදේ නුඹ ගැයූ ගී
පුසුඹ ගෙන දෙයි එය ආදරේ
උදා හිරුවත්,සොඳුරු සඳවත්
උරුම නැති මා ජීවිතේ
සුවඳ කල මැන නුඹ සිනහවෙන්

අතීතය නම් පිපුණු මලකැයි
සිතා සිතනෙමි මේ වෙලේ
අනාගතයේ අඳුරු මාවත් වල
මරු වැලක් අසලද ජීවිතේ

සුවඳ නම් නැහැ උරුම නම් නැහැ දැන්
උරුම කර සිටි සුවඳ විඳ තිබු ආදරේ
සොයා දෙන්නට කෙනෙකු නැතිනම්
කෙලෙස සොයමිද සුවඳ විඳිමිද ආදරේ